Os gandeiros márchanse "decepcionados" doutra reunión "estéril"
A conselleira de Medio Rural, Ángeles Vázquez, garantiu que os prezos "non van ir a peor".
Os gandeiros galegos marcháronse "decepcionados" da segunda reunión da Mesa do Sector Lácteo. Óscar Pose, voceiro da Plataforma en Defensa do Sector Lácteo, falou dun encontro "estéril" no que non se aportou "solución ninguhna" para a crise de prezos.
De feito, asegura que se foron "máis preocupados" pola intención da distribución de que volvan as ofertas polo leite "á baixa", cuestión na que se avanzara tras os bloqueos que en decembro protagonizaron os gandeiros en varias cadeas.
Sobre esta posibilidade, a conselleira de Medio Rural, Ángeles Vázquez, garantiu que os prezos "non van ir a peor". Apunta que non se reuniron este venres "durante cinco horas para dicir que isto vai ir a peor". "Eles saben que só é un titular, pero iso non é a realidade", sentenciou.
Recoñece que Galicia "sempre está por baixo nos prezos" respecto da media estatal e europea, unha situación á que "hai que poñer coto". Pero tamén chama unha vez máis aos produtores para unirse para traballar na "organización do sector", que é "o labor que teñen que facer os sindicatos".
Escribe tu comentario