​A catedral de Ourense comeza a cobrar

Acabouse o de poder entrar na Catedral de Ourense sen máis. A partir de mediados ou finais de maio comezarase a cobrar cinco euros, só se librarán os veciños da diócese e os visitantes que acudan a orar ou aos oficios relixiosos.

É un modelo semellante ao que funciona en templos de todo o mundo, e será implantado pola empresa Arti Splendore, a mesma que xestiona as visitas da Catedral de Tui.

A entrada de cinco euros incluirá un servizo de audioguía que explicará os principais puntos de interese e a historia do templo. Haberá descontos para nenos e xubilados, as persoas discapacitadas non pagarán nada.

Non hai ningún plan oficial para utilizar o diñeiro recaudado, pero en principio debería servir para paliar o deterioro que ven sufrindo a catedral durante os últimos anos.