Méndez Romeu: “En cinco meses, estarei sentado na presidencia”
O voceiro parlamentario do PSdeG, que se presentará este sábado ás primarias do partido, espetoulle a Feijóo que conta con relevalo á fronte da Xunta
“En cinco meses, eu estarei sentado na presidencia e vostede na oposición”. Así de contundente se amosou Xosé Luis Méndez Romeu este mércores no parlamento galego, convencido de que lle arrebatará a Xunta a Alberto Núñez Feijóo en outono, a pesar de que aínda debe competir nas primarias do PSdeG para converterse en candidato.
De feito, as súas palabras espertaron as gargalladas nas bancadas populares, que segundo Méndez Romeu responden á “risa frouxa da inseguridade”, xa que en Galicia toca “alternancia” porque Feijóo foi “sordo e cego” ás demandas da cidadanía.
O presidente da Xunta non se privou na súa resposta de recordarlle a Méndez Romeu que debe ser confirmado polo seu propio partido, felicitándoo pola súa “espléndida intervención” pero mandando sorte tanto para el como para o outro candidato, Xaquín Fernández Leiceaga. Acusou ao PSdeG de estar “nunha carreira de autodestrucción”, pediulle que aclarase se pensa pactar coas mareas e recordoulle que a cuestión non era “sentarse”, senón “traballar e sacar Galicia adiante, e ahí estamos nós”.
Escribe tu comentario