Buscan no Miño a un músico desaparecido en Monçao

Os servizos de emerxencias portugueses e galegos están levando a cabo un operativo de búsqueda conxunta no río Miño, tratando de localizar a un músico desaparecido o sábado pola noite despois de actuar nas festas de Lapela (Monçao). 

Polo de agora atópanse peinando o río a Comandancia Naval do Miño e diversos mergulladores, nun operativo apoiado por patrullas terrestres da Garda Civil e Protección Civil. A partir do mediodía deste luns está previsto que se una ao operativo un equipo de drons da Axencia de Emerxencias de Galicia. 

O mozo desaparecido é veciño de Salvaterra de Miño. Sábese que estivo no entorno do Castelo de Lapela, onde se atoparon algunhas das súas cousas.