domingo, 30 de abril de 2017 01:21




Numero de contacto (34)678803735
redaccion@galiciapress.es

O Camiño Primitivo traza a ruta dos Dereitos Humanos

|

Dereitoshumanoscamioprimitivo


A fundación estadounidense International Solidarity for Human Rights (ISHR) inaugurou este luns en Oviedo a Ruta dos Dereitos Humanos do Camiño de Santiago. En colaboración co Concello de Oviedo procedeuse a descubrir as dúas primeiras placas, dun total de 30, que ao longo do Camiño Primitivo reflectirán os artigos da Declaración Universal de Dereitos Humanos de 1948.


Durante a presentación, celebrada no ovetense Teatro Campoamor, o concelleiro de Cultura, Roberto Sánchez Ramos, describiu esta acción pioneira en Europa como "marabillosa".


Na súa intervención, o edil manifestou que a reclamación dos dereitos humanos "non é un acto do pasado senón do presente", especialmente nuns momentos onde "miles de guerras ao longo de todo o mundo" están a provocar máis mortes, desprazados e migracións que cando se redactou a Declaración (1948), inmediatamente despois do conflito "global" que foi a II Guerra Mundial.


A presidenta de ISHR, Elisabeth Sánchez, destacou que o Camiño de Santiago, "cos seus valores de solidariedade", é a "representación ideal do que son os Dereitos Humanos". Así, con esta iniciativa preténdese que os peregrinos colaboren na "divulgación e o coñecemento" dos trinta artigos da Declaración.


Esta Ruta, que se iniciou o ano pasado, comezou a facerse realidade este luns coa colocación das dúas primeiras placas na capital asturiana. A primeira placa co articulo número 1 da Declaración Universal, 'Todos nacemos libres e iguais', foi descuberta esta mañá no Colexio Dores Medio.


A segunda destas placas, realizadas polo artista Eladio de Moura, foi descuberta no Albergue de Peregrinos de Oviedo co lema 'Teño dereito a non ser discriminado'. Nesta primeira fase da Ruta, 9 membros de ISHR realizasen o camiño primitivo e descubrirán outras catro placas máis nos concellos de Grao, Salas Tineo, Allande para terminar colocando en Santiago de Compostela a que será a placa final da Ruta.


A ruta dos Dereitos Humanos estará terminada o ano que vén cando se empracen o resto das 30 placas que lembrarán os 30 dereitos humanos universais.


No acto, estiveron presentes outros colaboradores na iniciativa como a directora de Where is Asturias, Begoña López, o autor das placas, o escultor Eladio de Moura, xunto a Laureano García, presidente da Asociación de Amigos do Camiño Astur Galaico, e Santiago Fernández, director xeral da Fundación Valdés-Salgas.


García destacou que a "maior grandeza" do Camiño é que "iguala ás persoas que o percorren". Ademais, sinalou a identificación da ruta co propio Camiño onde as asociacións que traballan diariamente cos camiñantes reciben destas "grandes leccións" profundamente ligadas ao que representa a Declaración Universal como son os exemplos de "solidariedade, de compartir e de non preguntar a ninguén, quen é nin de onde vén".


relacionada Leiceaga reivindica 'cuidar mejor' del Camino de Santiago
relacionada La accesibilidad, el reto del Camino de Santiago
relacionada ​Rescatan en buen estado a dos peregrinos perdidos desde el viernes

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Pombapress animation

Pressdigital
Plaza de Quintana ,3 15704 Santiago de compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Condiciones de uso Consejo editorial
Powered by Bigpress