​Aplican a técnica de 'mulching' nas zonas ardidas en Porto do Son

Técnica 'air mulching' ou 'helimulching'

A técnica de 'mulching', que consiste en cubrir de palla o chan de zonas queimadas para protexelo da erosión e evitar que o arrastre de terras por choivas poida a afectar o leito de ríos e mares, está a aplicarse nas tarefas de recuperación que levan a cabo en Porto do Son, tras os incendios forestais que afectaron este verán ao municipio.

A conselleira de Medio Rural, Ángeles Vázquez, visitou este mércores a zona afectada de Porto do Son para supervisar as tarefas de recuperación de montes. En concreto, esta mañá procedeuse coa técnica de 'air mulching', que consiste en lanzar esa palla de trigo desde helicópteros.

Así mesmo, nos últimos días realízanse labores como o reestablecemiento de peches para o gando, a eliminación de madeira sen valor de mercado para mellorar a rexeneración, así como a recuperación de infraestruturas de protección de terreos forestais, entre outros.

Ademais, a conselleira subliñou que está aberto o prazo de solicitude de axudas da Xunta para compensar as perdas polos incendios forestais do verán, con orzamento dun millón de euros.