O IES Vilamarín,(Ourense) ganador do certame 2015 “Cociñar con Ribeiro”
sábado, 2 de mayo de 2015, 20:59
Un xurado multidisciplinar valoraba, na aula de actividades da feira, a preparación “in situ” e o resultado das tres receitas finalistas, presentadas polo C.I.F.P. Carlos Oroza (Mexillón en salsa Ribeiro), o xa citado I.E.S. Vilamarín e o I.E.S. Fraga do Eume (Semifrío de uva).
A receita “Rape con costra de moluscos, salsa de cenoria e aroma de Ribeiro” o IES Vilamarín impoñíase aos outros dous finalistas do concurso “Cociñar con Ribeiro”. A fase definitiva deste certame tiña lugar na tarde do 2 de maio no marco da 52ª Feira do Viño do Ribeiro, en Ribadavia.
Prato ganador do concurso “Cociñar con Ribeiro”.
O primeiro premio recaía na do IES ourensán, que foi elaborada por Antonio Caride Martín (brigada mestre) e polos alumnos Raquel Castro Diéguez, Cristina Martínez Nieto e Javier Rey Vázquez.
Conchi Peiteado, que exercía como presidenta do xurado, referíase na súa intervención á profesionalidade e gran nivel de todos os participantes na final do concurso, mentres que o presidente do CRDO Ribeiro, Miguel Ángel Viso, agradecía aos concursantes a súa dedicación e a colaboración dos membros do xurado. E ademais, Viso amosábase satisfeito por ter acadado os obxectivos do concurso.
A brigada gañadora acompañada do presidente do C.R.D.O: Ribeiro, Miguel Ángel Viso.