APDR 'viste' as estatuas da cidade con máscaras para protestar contra ENCE
jueves, 11 de junio de 2015, 07:42
A Asociación Pola Defensa da Ría realizou este mércores unhaacción simbólica de denuncia contra a permanencia de ENCE e Elnosa na Ría.
O obxectivo desta acción, que consistiu na colocación de máscaras nas principais estatuas da cidade do Lérez, é mostrar a "situación de altos niveis de contaminación producidos pola pasteira e a fábrica de cloro".
Aseguran que ambas empresas son os dous principais puntos de contaminación da ría "polas súas emisións de mercurio e derivados de xofre á atmosfera e de materia orgánica, mercurio, coliformes e outros contaminantes", substancias que consideran perigosas para o medio ambiente, os recursos marisqueiros e a saúde.
Ademais, con esta ‘performance’ pretenden animar aos pontevedreses a que participen na marcha que partirá o sábado 20 de xuño, ás 19.30 horas, desde as alamedas de Marín e Pontevedra.