Dous mortos, en Rianxo, A Coruña, nun accidente de tráfico en Rianxo ao incorporarse á autovía en dirección contraria
domingo, 6 de septiembre de 2015, 23:49
Unha ambulancia e os dous vehículos implicados na colisión, Foto: Cedida.
Dúas persoas perderon onte a vida na autovía AG-1, á altura do cruzamento con Rianxo, despois dun violento choque entre dous vehículos. Un coche de márca BMW incorporouse á vía en sentido contrario e outro non o puido esquivar. A colisión provocou o incendio de un dos turismos. Os falecidos son unha parella duns 30 anos, ocupantes do vehículo que se atopou o outro coche en dirección prohibida.
Unha das vítimas mortais é un veciño da parroquia de Isorna (Rianxo).O violento sinistro tivo lugar na AG-11 en dirección a Padrón, antes da saída de Catoira, e despois de que o BMW circulase en sentido contrario durante un tramo indeterminado da autovía.
O suceso ocorreu sobre as 22.40 horas e obrigou a cortar polo momento a circulación na autovía entre os quilómetros 11 ao 17 para facilitar a actuación dos servizos de urxencias.
Momentos antes do suceso incluso se deu o aviso por redes sociais dun coche en dirección contraria, pero non se puido facer nada para evitar o choque.
O 061 confirmou que no accidente rexistrouse un ferido grave, un home duns sesenta anos, que foi trasladado pola ambulancia medicalizada de Santiago ao Clínico de Santiago de Compostela. Ao lugar do accidente desprazáronse dúas ambulancias asistenciais, outra medicalizada e persoal do PAC de Rianxo.
Unha das hipóteses que se manexa é que o condutor se confundiu no momento de entrar na estrada e acabase no carril equivocado da autovía.