Aumenta o tope de capturas de sardiña para os pescadores do xeito
lunes, 5 de septiembre de 2016, 09:35
A Consellería do Mar aumentou os topes de capturas de sardiña para a arte do xeito durante o mes de setembro ata 60 quilos por tripulante. Estes novos topes entran en vigor a partir deste luns, 5 de setembro, tras resolución da Consellería do Mar pola que se modifica o plan de xestión da sardiña con arte de xeito.
Esta decisión tómase tras a reunión de finais de agosto da comisión de seguimento do plan de xestión na que se achegaron informes que recollen "a abundancia do recurso no interior das rías".
Ademais, as capturas da frota do cerco de Galicia e Portugal son inferiores aos previsto no plan de xestión da sardiña ibérica. De tal forma, o xeito dispón de 175 toneladas para este ano, 25 menos que as 200 que tiña esta arte en 2015.