O Concello de Santiago ratifica a Duarte pero retíralle competencias
viernes, 2 de diciembre de 2016, 14:39
O Goberno local de Santiago de Compostela ratificou no seu cargo ao concelleiro de Espazos Cidadáns, Jorge Duarte, aínda que retirou as súas competencias en materia de concesión de licenzas e potestade sancionadora, que recaen desde este venres no concelleiro de Medio Ambiente e Convivencia, Xan Duro.
Así o anunciou este venres o alcalde santiagués, Martiño Noriega, en comparecencia de prensa tras a citación da Fiscalía a Duarte a declarar o próximo 15 de febreiro en calidade de investigado --a figura que substitúe á imputación-- por un suposto delito de prevaricación por trato de favor ou trato desigual a locais de lecer da capital galega.