Heredeiros da Crus ofrecerán unha xira fóra de Galicia en febreiro
jueves, 12 de enero de 2017, 18:56
Heredeiros da Crus farán durante o mes de febreiro unha xira española coa que visitarán catro cidades fóra da súa Galicia natal, onde son todo un fenómeno desde a súa fundación en 1992.
Tras un parón de sete anos, o grupo regresou á actividade en 2012 e desde entón percorreu todo o circuíto musical galego enchendo cada un dos seus concertos.
Desde o seu regreso, o grupo non fixo ningún concerto fóra de Galicia. Por iso agora queren recuperar o contacto cos seus fans máis afastados doutros puntos do país.
As citas serán en Bilbao (3 de febreiro, Sala Fever), Barcelona (4 de febreiro, Sala Sidecar), Madrid (10 de febreiro, Salga Caracol) e Ponferrada (18 de febreiro, Sala A Vaca).
Entradas á venda en Ticketea por 12 euros máis gastos de xestión. O prezo de despacho de billetes será de 15 euros, informa Dotbeat nun comunicado.