​Feijóo compromete 24 millóns para reducir as listas de espera e mellorar os hospitales galegos

Primero foi a educación, agora chega o turno da sanidade. Alberto Núñez Feijóo presentou este xoves un novo paquete de medidas dotado con algo máis de 24 millóns de euros, co que pretende reducir as listas de espera, mellorar os hospitales galegos e axilizar a apertura de 23 centros de saúde por toda a comunidade.

En concreto, cinco millóns serán os destinados a incrementar a actividade asistencial dos servicios sanitarios galegos para chegar a 34.000 pacientes que neste momento agardan por unha consulta, proba ou ciruxía, reducindo as listas de espera galegas.

No tocante aos centros de saúde, axilizarase a dotación e equipamento de 13 centros de saúde que xa se estaban construíndo na actualidade para que poidan estar listo para antes de que remate o ano. Paralelamente, licitaranse outros 10 novos centros de saúde por toda Galicia.

Finalmente, realizaranse obras de mellora en varios hospitais da comunidade. A lista completa será detallada nos próximos días pola consellería de Sanidade, pero o presidente da Xunta xa adiantou algunhas das máis destacadas como o equipamento de novos quirófanos na Coruña, a ampliación do hospital público do Salnés, melloras no hospital de día e aparataxe de dous novos quirófanos no Álvaro Cunqueiro e melloras aínda sen especificar no Hospital Meixoeiro de Vigo.

“SUPERÁVIT DE RESPONSABILIDADE”

O novo paquete de medidas sanitarias será financiado cos fondos extra que trouxo consigo o cumprimento do déficit durante 2015, ou o “superávit de responsabilidade “ de Galicia, como prefire chamarlle Alberto Núñez Feijóo.

Forma parte dun proxecto máis amplo dotado entre 58 e 60 millóns de euros, que tamén incluirá medidas en servizos sociais, lecer e vivenda.

Entre outras actuacións, prevese a creación de dous novos centros de discapacidade, obras en 74 centros sociais e un plan de vivenda social no barrio vigués de Navia.