​Gonzalo Caballero sóbese á candidatura de Leiceaga nas primarias do PSdeG

O economista vigués Gonzalo Caballero quedou fóra da carreira das primarias do PSdeG ao non conseguir suficientes avais. Pero aínda así, o que no seu momento se presentou a sí mesmo como o candidato das bases aínda non dixo a súa última palabra no proceso: acaba de subirse á candidatura de Xaquín Fernández Leiceaga, cun pacto que pretende garantir a renovación do partido.

Este acordo, firmado este martes en Santiago, fixa limitacións nos mandatos e reforza as incompatibilidades, ademais de abordar temas como a precariedade laboral, o desemprego xuvenil e as desigualdades.

E ademais, se este xesto convence aos aproximadamente 540 avais que no seu momento apoiaron a Caballero suporá que Leiceaga terá un total de máis de 3.000 votos case confirmados para as primarias, unha cifra que supera aos 2.539 avais presentados no seu momento polo seu rival, Xosé Luis Méndez Romeu.

En todo caso, esta alianza contribúe a augurar unhas primarias reñidas, nas que seguramente o gañador non saia elexido por un gran marxe.