Feijóo propón unha alianza entre PP e PSOE para a reforma do Constitucional
O titular da Xunta opinou que atopar puntos de encontro entre populares e socialistas "é bo para todos".
O presidente galego, Alberto Núñez Feijóo, expresou o seu desexo de que se produza "unha proposta consensuada" entre PP e PSOE para a reforma do Tribunal Constitucional.
Así o indicou, en declaracións aos medios este luns, antes de participar na entrega dun premio en Santiago, onde trasladou que "sempre que houbo acordos entre os grandes partidos a relación foi moito máis fluída" e ambas as formacións traballaron "mellor".
Deste xeito, o titular da Xunta opinou que atopar puntos de encontro entre populares e socialistas "é bo para todos", tanto para o conxunto de España "que é o importante", como "para o PSOE".
"Dá a sensación que o Goberno quere chegar a acordos e tamén que hai xente no PSOE que está disposta a chegar a acordos", incidiu Feijóo.
Escribe tu comentario