A campaña de Nadal xerará 13.300 contratos en Galicia, a maioría temporais

|


Empleonavidad


A campaña de Nadal xerará en Galicia 13.300 contratos en comercio, hostalería e loxística e transporte, o que supón un 15% máis que a cifra de 2015, cando se asinaron 11.563 contratos, segundo as previsións da empresa de recursos humanos Randstad.


Así, a comunidade galega sitúase 3,5 puntos porcentuais por encima da media. No caso das provincias, todas rexistrarán un incremento das contratacións respecto ao ano anterior: A Coruña (19,7%) e Pontevedra (13,3%) son as que mostran maior crecemento e séguenlle Ourense (11,8%) e Lugo (7,1%).


DATO ESTATAL


No conxunto estatal, esta campaña xerará 338.300 contratos, un 11,5% máis que o ano pasado, cando se asinaron 303.345. Desta forma, a campaña de Nadal de 2016 será a mellor en termos de contratación desde 2008 en Galicia.


A estacionalidade desta época do ano xera un elevado volume de contratacións de carácter temporal, apunta a compañía. Ante o aumento do consumo polas celebracións do Nadal, as empresas, segundo explica, deben reforzar os seus persoais prevendo os picos de produción.


Neste sentido, sinala que as incorporacións adoitan comezar no mes de novembro e alónganse ata finais de xaneiro, xa que a campaña de rebaixas é un dos motores da contratación durante este período.


SECTORES E PERFIL


Os sectores que impulsan a xeración de emprego durante a época do Nadal son comercio, hostalería e transporte e loxística, directamente relacionados co aumento do consumo e do turismo neste período.


Neste sentido, os contratos que adoitan asinarse nesta época do ano son contratos de duración determinada, que supoñen unha opción idónea para acceder a un primeiro emprego por parte dos candidatos máis novos.


Ata 2007 aproximadamente, o perfil do candidato era o dun profesional novo, que se atopaba estudando e que buscaba acceder a un emprego para ter un primeiro contacto co mercado laboral real e aumentar a súa capacidade adquisitiva aproveitando o parón do Nadal.


Ao longo da última década, con todo, este perfil variou cara a outro máis heteroxéneo. Agora tamén se atopan entre os candidatos profesionais de maior idade, con experiencia previa, que buscan volver acceder ao mercado laboral de forma activa.

relacionada Uno de cada cuatro trabajadores en Galicia es autónomo
relacionada Os universitarios galegos tardan 9 meses en atopar o seu primeiro emprego
relacionada ​Cae a confianza dos consumidores

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Condiciones de uso Consejo editorial
Powered by Bigpress