PONTEVEDRA 4 A 6 DE DECEMBRO

A palabra será o principal motivo para "Presumir do Culturgal" na edición de 2015

|

Máis de corenta postos da próxima edición do Culturgal xa foron reservados cando aínda faltan cinco meses para que o Pazo da Cultura e o Recinto Feiral acollan a oitava cita en Pontevedra coa Feira das Industrias Culturais. O evento celebrarase entre o 4 e o 6 de decembro e na mañá deste xoves 9 de xullo presentábase no Centro de Interpretación das Torres Arcebispais coa presenza do director do Agadic, Jacobo Sutil; a deputada provincial Ana Isabel Vázquez; a concelleira de Feiras, Anabel Gulías; Manuel Bragado, presidente da asociación que organiza o Culturgal e Xosé Aldea, director da Feira cultural.


Para este ano o lema escollido é o de "Presume do Culturgal" e o principal tema que centrará as diferentes actividades será a palabra. O cartel desta edición, realizado por Antonio Doñate, presenta a unión dunhas mans que simbolizan o orgullo colectivo, segundo indicou Manuel Bragado que indicou que os obxectivos para este ano se centran en incrementar a actividade comercial dos produtos da terra, a fidelización dos públicos que asistirán a máis de 125 actividades durante tres días. E, por último, queren conseguir a xestión económica sostible cun presuposto que volverá situarse arredor dos 150.000 euros no que as axudas públicas financian o 60% mentres que as privadas alcanzan o 40%.


Neste sentido, a edición deste ano será tambien de pagamento e a principal novidade é que se establecerá un sistema circular que evite amoreamentos no centro do Recinto. Ao mesmo tempo, realizaranse actividades tamén en salas e corredores do Pazo da Cultura, segundo apuntou Xosé Aldea.


Neste momento encóntrase aberto o espazo para presentar as propostas de reserva de espazos e a posibilidade de ofrecer propostas artísticas para esta cita cultural que, na edición de 2014, logrou que 15.000 persoas pasasen polas instalacións do Pazo da Cultura. Aldea apuntou que a programación artística se coñecerá despois do verán.


Tamén este ano se levará a cabo unha exposición de arte contemporánea centrada sobre a arte e a arquitectura, que contará con Antón Sobral e Paula Cabaleiro como comisarios. A deputada provincial, Ana Isabel Vázquez, apuntou a que se intentará que esta mostra complementaria permaneza aberta durante un mes.

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress