Feijóo acusa a AGE de "desvergoña política" por negarse a reformar a Lei do Solo

O Partido Popular aprobou onte a nova Lei do Solo grazas aos votos da súa maioría absoluta. Pero o que non foron quen de sacar adiante os populares foi a enmenda coa que pretendían sortear o bloqueo urbanístico de Vigo, bloqueada pola Alternativa Galega de Esquerda.

Pois ben, onte o presidente da Xunta non participou no debate, pero hoxe acudiu con ganas ao parlamento galego. Alberto Núñez Feijóo foi contundente nas súas críticas, acusando a AGE de "desvergoña política máxima", asegurando que lle negaron á cámara galega a " posibilidade de "discutir unha enmenda", polo que ironizou sobre a súa condición "novos demócratas". 

Feijóo asegura que o bloqueo de AGE foi en contra dos traballadores de Citroën, que permanecen á espera dunha solución para poder reorganizar a súa factoría e optar a novos vehículos. 

Pero o voceiro de AGE, Antón Sánchez, non se amilanou ante as palabras de Feijóo. Acusou ao presidente da Xunta de "utilizar aos traballadores" como escudo para intentar impoñer unha norma prexudicial para Vigo e para Galicia. 

Recorda que o seu grupo se reuniu tanto como a patronal como cos traballadores de Citroën, asegurando que o que desexan é "seguridade xurídica", algo que segundo dixo non garantiría a solución do PP. Dándolle a volta as acusacións de Feijóo, Sánchez sostivo que o que estaba a por aos traballadores en risco era a súa forma "chafalleira" de facer urbanismo, denunciando que os populares non puideron sacar a enmenda a tempo porque a presentaron fóra de prazo.