O mosteiro de Melón recuperará toda a súa grandeza
O goberno central compromete unha inversión de preto de dous millóns de euros, á que se suma outro medio millón para a Catedral de Tui
O mosteiro de Santa María de Melón é unha das xoias menos coñecidas do arte cistersiense en Galicia, un lugar emblemático que agora será restaurado para recuperar por completo a súa grandeza. O Goberno Central acaba de comprometer 1,8 millóns de euros para este complexo monástico, que se centrarán na recuperación e rehabilitación das ás norte e oeste do claustro e na hospedería nas súas plantas baixa, alta e cuberta.
Estas actuacións forman parte dun investimento global de 4 millóns de euros do mosteiro de Melón, declarado como Ben de Interese Cultural. Nos pasados anos xa se fixeron diversos arranxos en pavimentos, campanarios, teitos e retablos, entre outros.
Paralelamente, o goberno tamén acaba de autorizar outro investimento na Catedral de Tui de 552.000 euros, destinados principalmente ao acondicionamento do antigo pazo episcopal e edificio claustral para destinalas a usos culturais, compatibles con uso do bispado. Espérase que as obras se executen no verán e estean acabadas cara a final de ano.
Escribe tu comentario