Tratan de parar unha revisión do plan forestal "orientada ao eucalipto"
Entidades como Adega, Amigos da Terra, APDR ou Fruga presentaron propostas alternativas no parlamento
Durante o ano 2015 o Consello Forestal de Galicia adicouse a revisar o plan forestal vixente dende 1992, acadando unhas directrices duramente criticadas por un gran número de entidades vinculadas ao monte que se quedaron fóra do proceso de revisión.
Asociacións como Adega, Amigos da Terra, APDR ou Fruga integran unha plataforma que considera que as novas directrices potencian "un monocultivo de eucalipto que xa está sobredimensionado", segundo asegurou o seu voceiro Elías Somoza en declaracións para Galiciapress.
Reclaman que o novo plan forestal teña " unha visión máis diversificada donde outras producións do monte se teñan en conta", así como actividades sociais e culturais.
Xa presentaron no rexistro xeral da Xunta un documento con propostas alternativas, que este mércores tamén lles trasladaron aos grupos parlamentarios do PSdeG, do BNG e Mixto. Tamén enviaron propostas para AGE e para o PPdG, pero polo de agora non recibiron resposta.
Escribe tu comentario