​Convocan unha caravana protesta reclamando "ética" nas contratacións de Correos

CIG-Correos convocou para este sábado ás 11 da mañá unha caravana protesta de coches coa que pretende esixir unha contratación de persoal rexida pola "ética, xustiza e transparencia" nesta empresa.

A caravana partirá ás 11:30 da explanada fronte á parte posterior do Edificio Sindical da Avenida de Alfonso Molina, rematando diante do edificio principal de Correos na avenida da Marina, onde terá lugar unha concentración.

Segundo explicou CIG-Correos, esta convocatoria responde a que os contratados do sistema de sustitución de Correos están "totalmente indefensos" porque descoñecen "a normativa que se lles aplicará á hora de facer os chamamentos e tamén o proceso de contratación".

Ademais, tamén denuncian a "precariedade" nos contratos que se realizan, argumentando que antes se facían a xornada completa e agora "moitos deles son a xornada parcial".