Rexeitan atender en Atención Temperá do CHUS un bebé con Síndrome de Down

Unha nena de 6 meses con Síndrome de Down foi rexeitada en Atención Temperá no hospital Clínico de Santiago. Súa nai, Noemí Álvarez Villar, denuncia nun vídeo a denegación da inclusión da súa filla na Rede galega pública de atención temperá por estar sendo atendida nunha entidade privada. 

No vídeo, Noemí, xustifica a decisión da familia, precisamente, na demora da valoración da nena, que non foi recibida ata os 6 meses. Por iso, buscaron "fóra a atención temperá que desde o hospital non se nos daba inicialmente". Agora, o CHUS desenténdese e conclúe que "non é preciso complementar a atención que xa recibe na entidade privada".