O Celta recupera o trisquel na camisola europea
Esta noite, fronte ao Ajax levará, ademais, un unifomre que conmemora os 110 anos de Estrella Galicia. Os celestes están xa en Amsterdam.
Imaxe do encontro en Balaídos. //Foto: @UEFAcom_es twitter
A camiseta do Celta volve lucir esta noite no partido fronte ao Ajax o trisquel que a UEFA obrigara a retirar. O símbolo conta agora coa autorización para a Europa League, se ben, tal e como informou o club, na seguinte fase da competición, se os celeste pasa, deberá estar colocado máis próximo ao pescozo. Esixencias da UEFA.
O equipo vigués está en Ámsterdam desde o mércores e xa pisou o terreo de xogo no que esta noite se van medir ao icónico equipo holandés. Ante os medios de comunicación, o adestrador, Berizzo, definiuno como "un partido difícil", pero é consciente de que no Ajax "saben da nosa perigosidade" e, polo tanto, os vigueses chegan "confiados" no dano que poden facer.
Despois do empate a 2 en Balaídos, o Celta disputa cos holandeses o liderado do grupo para achegarse aos dezaseisavos de final. Co bo estado de forma colectivo e con Iago Aspas coa frecha para arriba, buscarán romper a xeira de 13 encontros sen perder que encadea o Ajax.
Escribe tu comentario