Activo un incendio na Mezquita (Ourense) que afecta xa a 20 hectáreas

Un incendio forestal afecta desde o mediodía deste xoves á parroquia de Castromil, situada no municipio ourensán da Mezquita.

Segundo as primeiras estimacións, as chamas calcinaron xa 20 hectáreas. A Consellería do Medio Rural informa que o lume se iniciou ás 14,33 horas en varios focos simultáneos.

Nas tarefas de control traballan catro axentes, tres brigadas e medios aéreos.