O soldo do Alcalde de Celanova (Ourense), do PP, será reducido por sentencia a casi 4 veces o salario interprofesional

A Xustiza obriga ao alcalde de Celanova a baixarse o soldo a 2.350 euros

|



Unha sentenza do xulgado do Contencioso-Administrativo número 2 de Ourense quitou a razón ao alcalde de Celanova, José Luís Ferro (PP), e ditaminou que o acordo plenario que lle rebaixa o seu soldo un 35 por cento -ata os 2.350 euros mensuais- é válido salvo nun aspecto, o que implica unha subida salarial anual conforme ao IPC e que agora queda anulado.


A polémica polas retribucións neste municipio con menos de 6.000 habitantes non é nova, pois o anterior rexedor, Antonio Mouriño, hoxe deputado autonómico, chegou a ser “o alcalde mellor pagado” de Galicia, segundo lembrou a portavoz do PSOE no consistorio, María Jesús Boo.


Neste escenario, cando Ferro accedeu ao cargo en substitución de Mouriño decidiu reducir ao redor dun 20 por cento a súa nómina e percibir algo máis de 3.700 euros mensuais. Con todo, a situación cambiou cando o PP perdeu a súa maioría absoluta pola marcha da concelleira Montserrat Álvarez Vispo ao grupo mixto, pois o PSOE promoveu unha rebaixa do soldo do alcalde que saíu adiante co voto favorable de toda a oposición.


Segundo o texto aprobado, xustificado na conxuntura de crise, cobraría 14 pagas de 2.350 euros, ademais de dietas, e tería á súa disposición un vehículo oficial. Con todo, o rexedor viu detrás “unha represalia política” e decidiu recorrer á Xustiza para tombar ese acordo.


Con data do mércores, o fallo xudicial vai un paso máis aló e retíralle a subida anual con base no IPC, á vez que lembra ao primeiro edil de Celanova que tanto na esfera pública como na privada “a redución de soldos foi xeneralizada e practicamente indiscriminada”.


INACEPTABLE”


Ademais de subliñar que o pleno dun concello é competente para tomar este acordo, aínda que non sexa a instancias do alcalde, o xuíz opina que a redución salarial non se fixo “ata límites que poidan raiar o inaceptable ou inxustificable” nin que “impidan ao alcalde desenvolver as súas funcións con normalidade”.


De feito, recalca que o seu soldo actual é “case catro veces” o salario mínimo interprofesional e evidencia que, “aínda que a rebaixa é substancial e considerable, pode ser debido a que a suma da que se partía era xa moi elevada”. E deixa “claro” que “a suma final non pode considerarse irrelevante ou desproporcionada, polo escaso, co desempeño do cargo”. Con todo, a sentenza non é firme e contra ela cabe recurso.


CONCELLO “EXPOLIADO”


En primeiro lugar, a portavoz socialista xulgou “insólito” que o alcalde denunciase aos asinantes do acordo e ao propio Concello de Celanova e, a continuación, acusou ao PP de “expoliar” ao municipio durante os últimos 20 anos.


Ao fío diso, incidiu en que hai “moitos cómplices” desta situación, como o expresidente do PP na provincia José Luís Baltar e o seu fillo e sucesor, José Manuel Baltar; ademais de “quen designaron deputado autonómico” a Antonio Mouriño.

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress