COPERACION TRANSFRONTEIRIZA GALICIA PORTUGAL

O Igape pon en marcha un sistema de alertas sobre oportunidades de negocio internacionais para empresas TIC

|

27/04/15 |

O Igape, no marco do proxecto de cooperación transfronteiriza ACEint, pon á disposición das empresas e emprendedores galegos un servizo de vixilancia tecnolóxica para a xeración de alertas sobre oportunidades de negocio dirixido especialmente ás empresas do sector TIC orientadas a mercados internacionais.

O proxecto ACEint, no que o Igape colabora coa Universidade de Santiago e a axencia de desenvolvemento portuguesa BICMinho, está financiado polo Feder ao amparo do Programa de Cooperación Transfronteiriza España-Portugal e ten como obxectivo impulsar a creación, o desenvolvemento e a internacionalización de empresas TIC, coa finalidade de que actúen como catalizadores da competitividade na eurorrexión Galicia-Norte de Portugal.

Neste ámbito de cooperación estanse a poñer en marcha varios servizos e recursos para as empresas da Eurorrexión que desenvolvan a súa actividade ou liñas de negocio no sector das TIC, mellorando o acceso á información, e achegando asesoramento e formación á medida para o sector.

Como punto de partida dos servizos de vixilancia, liderados polo Igape, acaba de abrirse o servizo xeral de alertas e oportunidades de negocio para o sector TIC elaborado polo centro de recursos do proxecto ACEint. Este servizo pon en marcha unha ferramenta de vixilancia de oportunidades no mercado internacional, con carácter permanente, para a creación de novas empresas TIC ou para novas liñas de negocio TIC innovadoras e con potencial.

O sistema de alertas e oportunidades de negocio está deseñado a partir da integración e recompilación de información procedente de observatorios, informes, bases de datos e sistemas de vixilancia competitiva existentes específicas para empresas e emprendedores TIC. O servizo consiste na creación dun sistema que xera un informe quincenal que se envía aos emprendedores e empresas que estean dados de alta no servizo. Os interesados en participar neste servizo poden solicitar xa a súa inscrición na páxina http://aceint.eu.

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress