FUTBOL

Vitoria insuficiente

|

Ficha técnica:

Deportivo 2: Fabricio; Laure, Lopo, Sidnei, Manuel Pablo (Juan Domínguez, min.10); Salomao, Celso Borges, Álex Bergantiños, Luisinho; Lucas Pérez (Toché, min.89) y Oriol Riera (Juanfran Moreno, min.65).


Levante 0: Mariño; Iván López (Rafael, min.72), Vyntra, Ramis (Camarasa, min.65), Juanfran García, Toño García; Sissoko (El Zhar, min.46), Simao, José Mari; Morales y Víctor Casadesús.
Goles: 1-0: Lopo (minuto 20). 2-0: Juanfran (min. 80).


Árbitro: González González (leonés). Amarelas a a Oriol Riera (33'), Luisinho (43') e Lopo (77') no Deportivo e a Sissoko (16) e Víctor Casadesús (59) no Levante.


Incidencias: partido da 37ª xornada da Liga BBVA no estadio de Riazor ante 30.251 aficionados. O Deportivo posou coa segunda equipación, coa bandeira galega, polo Día das Letras Galegas.

Tras catorce xornadas sen vitorias, o Dépor fixo o que tiña que facer: gañou 2-0 ao Levante e rachou coa pero xeira da súa historia. Pero os tres puntos, que lle serven para seguir fóra dos postos de descenso, non son dabondo para certificar a permanencia. Foi a primera vitoria con Víctor Sánchez del Amo como adestrador, no seu sétimo partido co Dépor, pero a súa continuidade en Primeira dependerá do que aconteza na derradeira xornada, na que visita a un Barça xa campión.

Xogou o mesmo once que en San Mamés, pero a necesidade dos tres puntos obrigou a Víctor a dar saída a Salomao no canto de Juanfran. O Levante, ao que lle servía o empate, aliñou un 5-4-1 e cedeu sen recato a iniciativa ao rival. O Dépor tivo que mudar o plan inicial: Manuel Pablo caeu lesionado no minuto 8 e entrou Juan Domínguez de interior esquerdo, e Luisinho baixou ao lateral.


Empuxado polo seu público, o Dépor poñíalle gañas e dominaba, pero faltáballe profundidade: non disparou a portaría nos primeiros vinte minutos. Tivo a sorte de marcar no minuto 21 no lanzamento dunh falta: centrou Lucas Pérez e Albert Lopo, co pé, disfrazouse outra volta de salvador. Acadou o empate co Athletic hai unha semana e abriu o marcador fronte ao Levante. Pouco máis houbo antes do descanso: un centro de Salomao que non atopou rematador. Os de Lucas Alcaraz, nulos en ataque.


O Levante, xa con El Zhar no campo, adiantou un chisco as liñas, pero non foi ata o minuto 63 que probou a Fabricio, cun disparo lonxano de Víctor Casadesús que atallou o meta local en dous tempos. O Dépor parecía sestear, e Víctor meteu a Juanfran por Oriol Riera; e Lucas Pérez pasou a xogar de dianteiro. A incerteza polo resultado era o que mantiña esperto ao público, pero o Levante non parecía quen de poder crear perigo. A falla de dez minutos, Juanfran marcou un golazo coa esquerda dende o bordo da área e pechou o partido.


Unha vitoria no Camp Nou será a salvación, e cun empate podería chegar. Víctor confía nos seus: “Semella que nos queda unha xornada menos que ao resto”. O técnico confía en puntuar cun Barça xa campión e rexeita especular cos resultados dos rivais. Dépor e Granada suman 34 puntos; Éibar e Almería, 32. Na derradeira xornada: Barça-Dépor, Granada-Atleti, Eibar-Córdoba e Almería-Valencia.

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress