LAMENTAN QUE A ÉPOCA ESTIVAL NON SE APROVEITE PARA "ALIXEIRAR" AS LISTAS DE ESPERA

Sanitarios Galegos Públicos ve unha "política de desmantelamento" tras o anuncio do Sergas de pechar camas nos hospitais públicos

|

A titular de Sanidade do Goberno autonómico Orballo Mosquera 


O sindicato Sanitarios Galegos Públicos (Sagap) asegurou que, tras a previsión do Servizo Galego de Saúde (Sergas) de pechar máis dun milleiro de camas na rede de hospitais públicos galegos este verán, hai unha "política de desmantelamento".


"Queremos manifestar o noso total desacordo e rexeitamento á medida adoptada de novo por parte do Sergas en canto ao peche de camas e unidades enteiras dos nosos hospitais durante o verán", subliñou Sagap nun comunicado.

É máis, este sindicato considera que a Consellería de Sanidade emprega "desculpas" que resultan "case insultantes" e "totalmente insustentables", como "obras de mantemento", "diminución de carga asistencial" e "vacacións do persoal".


"As obras de mantemento sospechosamente téñense que realizar verán tras verán nas mesmas habitacións", denunciou este sindicato, xusto antes de defender que a "carga asistencial tan diminuída" debería "traducirse" en "nin un só paciente derivado a un centro privado".


En cando ás vacacións do persoal, Sagap fixo fincapé en que o Sergas dispón de "persoal eventual vinculado nas listas de contratación máis que suficiente, disposto, perfectamente preparado e en espera cada día de poder ser contratado".


"O peche de camas e servizos enteiros supón unha garantía de atasco das listas de espera, a sobrecarga do persoal que continúa traballando durante o verán e das urxencias, a recolocación de pacientes en áreas doutras especialidades distintas ás que lle corresponden pola súa patoloxía", explicou Sagap, que considera todo o enumerado unha "diminución evidente" na "calidade asitencial" aos pacientes.


VERÁN, "CADA VEZ MAIS LONGO"


Por todo iso, este sindicato lamentou que a época estival non se aproveite para "alixeirar" as listas de espera, así como que se "infrautilicen" os recursos nos meses de "xuño, xullo, agosto e setembro". "E prolongándose ano tras ano o peche nun verán cada vez máis longo", precisou.


"Se dispomos de hospitais, quirófanos e persoal suficiente para garantir o funcionamento correcto durante todo o verán, non existe xustificación algunha para que tal medida leve a cabo", destacou Sagap, para logo remarcar que "nin sequera económica".


Neste sentido, indicou que "as infraestruturas existen" e denunciou que "o pretendido aforro en contratación de persoal escápase en concertos e facturación por parte dos centros privados". "Aos que estamos a manter", apostilou.

Esta denuncia prodúcese despois de que o Sergas anunciase que a planificación prevista para este verán na rede de hospitais públicos galegos prevé o peche dunha media do 13,88 por cento das camas hospitalarias, o que suporá que máis dun milleiro non estarán operativas.

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress