#Claves de la semana
DENDE ESTE LUNS 8 NA AUDIENCIA NACIONAL

Xulgan a exdirectivos de Novacaixagalicia por prexubilacións millonarias

Anticorrupción pide tres anos de cárcere para os antigos altos cargos da entidade galega e un avogado que actuou como asesor


|


A Audiencia Nacional celebrará dende este luns o xuízo contra os cinco exdirectivos de Novacaixagalicia (NCG) acusados de adxudicarse indemnizacións por valor de 18,9 millóns de euros e o avogado que lles asesorou na operación que pergeñaron en plena crise das caixas.


A antiga cúpula da entidade, resultante da fusión das extintas caixas de aforro galegas Caixa Galicia e Caixanova, enfróntanse a tres anos de prisión por modificar os seus contratos de alta dirección para poder percibir as prestacións e a unha pena de inhabilitación doutros tres anos de inhabilitación para o exercicio profesional de actividades relacionadas co sector bancario.


Sentarán no banco dos acusados o excopresidente de Novacaixagalicia Julio Fernández Gayoso; que fose director xeral de Novacaixagalicia José Luis Pego; o exdirector xeral adxunto executivo Javier García de Paredes; o exresponsable do Grupo Inmobiliario Gregorio Gorriarán, o antigo xestor da oficina de integración Óscar Rodríguez Estrada; e o avogado Ricardo Pradas Montilla, quen lles asesorou na mellora dos seus contratos e omitiu esta información a Comisión de Retribucións e o Consello de Administración.


OS INTERESES DA ENTIDADE

No seu escrito de acusación provisional, a Fiscalía anticorrupción atribúe a todos eles delitos de apropiación indebida e administración desleal e, alternativamente, estafa, por asignarse rendas vitalicias, melloras salariais e pensións millonarias malia a difícil situación que atravesaba Caixanova, que se achaba en pleno proceso de fusión con Caixagalicia e que pedira axuda ao Fondo de Reestruturación Ordenada Bancaria (FROB) 


O Ministerio Público considera autores do delito a Pego, García de Paredes, Gorriarán e Rodríguez Estrada e cooperadores necesarios a Pradas e a Fernández Gayoso, quen, como copresidente de Novacaixagalicia e "máximo xestor" da entidade, debería actuado coa "maior dilixencia" para salvagardar os intereses do banco que dirixía e non "antepoñer os intereses particulares" destes directivos.




Pide, ademais, aos seis acusados a devolución de 18.915.291 euros que se asignaron fraudulentamente nas súas pensións de xubilación, e unha multa de 75.000 euros. As fiscais Concepción Nicolás e Piar Melero concretan que Pego apropiouse indebidamente de 7,7 millóns, Rodríguez Estrada de 691.261 euros, Gorriarán de 4,8 millóns e García de Paredes de 5,6 millóns.


Anticorrupción detalla que tres dos catro directivos --Pego, Rodríguez Estrada e Gorriarán-- acordaron, en pleno proceso de fusión de Caixanova e Caixa Galicia, "movidos pola clara intención de obter un importante beneficio patrimonial, introducir diversas melloras nos contratos de alta dirección que garantisen a liquidación e rendas vitalicias futuras no caso de producirse a súa previsible saída da entidade crediticia tras a fusión".


CATRO ANOS DE PRISION

Pola súa banda, a Asociación de Usuarios de Bancos Caixas e Seguros (Adicae), comparecida nas actuacións como acusación popular, reclama catro anos de prisión así como multas máis elevadas, con cota diaria de 300 euros.

Unha vez materializada a fusión de Caixa Galicia e Caixanova, a entidade foi nacionalizada en 2011, despois de efectuarse nela axustes contables polos cales o seu valor quedou reducido significativamente, contexto no que abandonaron a institución os directivos das antigas caixas.

Última hora

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Última hora
Cabeceralomasleido 1
Cabecerarecomendados 1

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal - Política de Cookies - Política de Privacidad - Configuración de cookies - Consejo editorial - Publicidad
Powered by Bigpress
CLABE