Támara Echegoyen e Berta Betanzos pelexan polo podio da Semana Internacional de Río de Janeiro

Támara Echegoyen e Berta Betanzos competindo na baía de Guanabara (Río de Janeiro)

A regularidade está a marcar a participación de Támara Echegoyen e Berta Betanzos na Semana Internacional de Río de Janeiro.

A regatista pontevedresa e a súa compañeira no 49er FX ascenderon á cuarta posición da xeral tras a disputa da segunda xornada, meténdose na pelexa polo podio empatadas a puntos coa terceira praza que ocupan as arxentinas Victoria Travascio e María Sol Branz.

Echegoyen e Betanzos asinaron un quinto, un cuarto e un sexto posto nas tres magnas disputadas durante o segundo día de competición en Mariña da Gloria, caracterizado por ventos lixeiros no campo de regatas.

A clasificación xeral pasa a estar dominada polas neozelandesas Alexandra Maloney e Molly Meech, seguidas das danesas Maiken e Anne Julie F. Schütt.