ORDES (A CORUÑA)

Seguen as tractoradas do sector lácteo en Galicia: máis de dous mil gandeiros en Ordes

|

Gandeiros "desesperados" pola situación do sector lácteo puxéronse este venres ao volante de máis de 1.250 tractores en Ordes (A Coruña) para denunciar os baixos prezos que perciben polo leite as explotacións galegas.


Así o expresou a Europa Press o responsable de Unións Agrarias (UU.AA.) en Ordes, Anxo Doo, quen cifrou en 300 os tractores que se desprazaron este venres á localidade coruñesa dende Mesía, e contabilizou máis de 350 de Frades, 400 de Trazo e 200 de Tordoia.

E é que a bisbarra de Ordes aglutina, segundo os seus números, o 20 por cento da superficie agraria útil da provincia de A Coruña e o 12 por cento de Galicia, de aí a masiva afluencia nesta nova xornada de mobilizacións do sector.

"Esta é a manifestación, das moitas que convoquei e presenciado, na que viu a xente máis desesperada,", destacou Anxo Doo sobre o ambiente no que transcorreu a protesta, que estivo acompañada do peche dos comercios da zona, en sinal de solidariedade.

"A xente que se achegou a min estaba a chorar pola súa situación", sinalou o representante sindical, quen subliñou o estado de ánimo dos gandeiros que marcharon polas rúas da localidade coruñesa para reclamar "un prezo para o leite que, polo menos, cubra os custos de produción".

Sumada ás demais 'tractoradas' deste mes, a de este venres ha conglomerado a representantes políticos e sociais, así como aos protagonistas das mobilizacións, os propios gandeiros da bisbarra, que pronunciaron frases como 'Antes partidos que dobrados'', 'Conselleira dimisión' e 'Feijóo, traidor, o campo vai a pique'.

"UN PASO MÁIS ADIANTE"

Ao fío desta cuestión, preguntado pola marcha convocada polos gandeiros do resto de España cara a Madrid, que os gandeiros cántabros xa anunciaron que secundarán, Doo mostrou o seu respaldo, pero advertiu de que a situación das granxas en Galicia é dunha maior "discriminación".

Ao respecto, concretou que a comunidade ten "unha diferenza de ata tres céntimos" no que percibe por cada litro de leite en relación coa media do que se paga no territorio español.

Por iso, Anxo Doo indicou que "apoiará os gandeiros que vaian a Madrid" pero subliñou que Galicia quere "dar un paso máis adiante", porque "é a peor parada" en España".


Neste contexto, para conseguir que os prezos do leite "superen o custo de produción", o sindicalista avanzou que se está a xerar unha folga de entregas "inminente" e que implicaría que os traballadores do lácteo non vendan ás industrias "nin un litro de leite". 

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress