MUSEO DO ENTROIDO EN XINZO

A Vila de Xinzo, en Ourense, xa pode difrutar do carnaval todo o ano

|



presidente da Xunta, Alberto Núñez Feijóo, resaltou hoxe que o Museo Galego do Entroido permitirá mellorar a difusión e coñecemento dos entroidos galegos, que son "o resumo dunha forma de entender a vida", e, en particular, o de Xinzo de Limia, un dos poucos que conservou co paso do tempo todas as súas particularidades.



Durante a súa intervención, Feijóo incidiu en que este Museo é hoxe unha realidade grazas á colaboración entre as administracións e o investimento conxunto de case 450.000 euros.

Ademais, o titular do Goberno galego destacou que con este novo edificio se superará a gran eiva do entroido, que é o seu marcado carácter estacional. “Este Museo fará posible algo histórico: que en Xinzo poida ser entroido todo o ano”.

Nese sentido, Feijóo sinalou que unha das ambicións deste Goberno é apostar pola diversificación e a desestacionalización dun sector, o turístico, que está a ter un gran tirón na nosa economía e configuración social.

O presidente da Xunta explicou que se están a dar os pasos necesarios para fortalecer algúns dos nosos principais valores turísticos, como son o Camiño de Santiago e o termalismo.

Novo albergue de peregrinos 

O titular do Goberno puxo en valor as boas cifras acadadas este ano en recepción de peregrinos. “No que vai de ano chegaron a Santiago perto de 250.000 peregrinos”, un 10% máis que no mesmo período do ano anterior. Tamén destacou o aumento da afluencia de peregrinos na Vía da Prata, Ruta Xacobea que atravesa Xinzo e que rexistrou un incremento do 8%. Para acollelos, Feijóo confirmou que a localidade contará proximamente cun novo albergue de peregrinos, que “xa está finalizado”.

Termalismo
O presidente da Xunta destacou o impulso do turismo termal a través do Plan termal como exemplo da aposta deste Goberno pola diversificación e desestacionalización do sector.

Segundo explicou Feijóo, o Plan Termal impulsa a posición de liderado de Ourense e Galicia nese sector, convérteo en abandeirado do turismo de calidade e fai do termalismo unha opción que conxuga ocio e saúde.



MuseodeXinzo23102015gp


MuseodeXinzo23102015gp1


Museoxinzo2310201503gp

Algunhas das 175 figuras que alberga o Museo hoxe inaugurado en Xinxo, Ourense, 

na que ten un lugar privilexado "A Pantalla", caracteristica do "Entroido" de esta Vila

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress