Barreras costruirá un xemelgo do flotel 'Reforma Pemex' para a petroleira mexicana

|

O estaleiro vigués Hijos de J. Barreras xa están inmerso nos traballos para a construción do "irmán xemelgo" do flotel 'Reforma Pemex' -botado o pasado 29 de setembro-, encargado pola petroleira mexicana homónima.


Así o comunicou este martes en declaracións aos medios o presidente do estaleiro, José García Costas, que concretou que a empresa traballa "en acondicionar o xemelgo deste barco para que arranque cubrindo novas disposicións" que se poñen en marcha o 1 de xaneiro de 2016.

A continuación, ao ser cuestionado polos xornalistas sobre se este segundo buque irá a licitación internacional, o empresario afirmou que iso é "un aspecto menor neste tema" e se limitou a ratificar que "o barco se vai facer".

"O barco vaise facer e non vou explicar máis como se contrata, pero o barco está comprometido; haberá que arbitrar as fórmulas máxicas que sexan necesarias", subliñou, antes de insistir en que se está a "traballar nesa modificación, simplemente nesa modificación".

O anuncio deste "xemelgo" do flotel fíxoo o pasado 29 de setembro o coordinador de asesores da petroleira mexicana Pemex, Carlos Roa, quen en aquel momento indicou que quedaban "uns poucos detalles" por concretar e a previsión era pechar o contrato cara ao mes de novembro e iniciar o corte de chapa este mesmo ano. 

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress