ESTÁ PERTO DE DESCENCER POR DEBAIXO DO EURO
O gasóleo cae un 3,27% na última semana e volve a mínimos de 2010
A gasolina 95 tamén baixou un 1,89% e véndese a 1,140 euros de media o litro
O gasóleo abaratouse un 3,27% na última semana e o litro véndese de media a 1,005 eurosnas estacións de servizos españolas, o que supón volver marcar mínimos de febreiro de 2010.
Segundo os datos do boletín petroleiro da Unión Europea, con esta baixada o gasóleo acumula un descenso do 5,81% nun mes e xa se vende un 8,8% máis barato que ao comezo do ano.
En canto á gasolina 95, baixou un 1,89% na última semana e véndese a 1,140 euros de media o litro, rozando o mínimo anual e un 2,73% máis barato que hai un mes.
Se comparamos coas mesmas datas do ano pasado, a rebaixa é do 13,05% para o gasóleo e do 9% para a gasolina. Fronte a como empezou o ano, a gasolina, que marcou mínimo anual en 1,117 euros a mediados de xaneiro, véndese un 0,96% máis barata.
Fronte aos máximos de ambos os carburantes, a baixada é do 30,4% para o gasóleo e do 25,10% para a gasolina.
As baixadas de carburantes enmárcanse nun contexto de mínimos do cru cun barril de cru Brent para entrega en xaneiro que este mércores pechou no mercado de futuros de Londres en 37,19 dólares.
Escribe tu comentario