Traballadores de Tragsa concéntranse contra os despedimentos

Traballadores da empresa pública Tragsa concentráronse este luns ante o Parlamento galego para protestar contra a materialización de despedimentos na empresa pública, que tildan de "aberración" ao comunicarse durante o Nadal. Segundo os números dos traballadores, a cifra de despedimentos alcanza os 76, convertendo a Galicia na "comunidade na que máis" saídas se produciron. 

Tragsa planificou un axuste que supuña máis dun millar de despidos no conxunto estatal. Nun primeiro momento, a Audiencia Nacional anulou o proceso, pero finalmente o ERE foi autorizado polo Tribunal Supremo. 

Neste escenario, os empregados decidiron volver á rúa en Galicia, entre berros de "Feijóo, escoita, estamos en loita".Piden que os deputados galegos se "identifiquen co seu problema", xa que Tragsa é unha empresa pública. 

Critican contar cun presidente "cun soldo recoñecido de 190.000 euros" e reproban que en paralelo o grupo despedise a traballadores "o 30 de decembro, con todo o mundo de vacacións", cando é unha compañía "que dá beneficios".

Antes da mobilización, os traballadores celebraron unha asamblea xeral para evaluar a situación laboral na que se atopa. Ademais, Tragsatec, filial de I+D+i do grupo anunciou que irá este martes á folga.

O CONSELLEIRO DE ECONOMÍA E INDUSTRIA OFRÉCESE COMO MEDIADOR

O conselleiro de Economía, Francisco Conde, respondeu este mesmo luns poñéndose "a disposición" dos traballadores de Tragsa para mediar ante esta empresa pública estatal e o Goberno para "que se poida atopar unha solución". 

Conde afirma que dende a Xunta están "a disposición do comité de empresa e dos traballadores aquí en Galicia e, na medida do posible, establecer esa mediación para trasladar a Tragsa a situación que teñen os traballadores e poder obter os mellores resultados neste proceso, sempre difícil cando se decide abordar un ERE". 

APOIO DO PSdeG

Na protesta deste luns, os socialistas Abel Losada e Carmen Gallego trasladaron o seu apoio aos traballadores, ao tempo que reproban a actitude do presidente da Xunta, Alberto Núñez Feijóo, ao que consideran "cómplice" do expediente de regulación de emprego. 

Este expediente responde, a xuízo do PSdeG, a "unha medida ideolóxico, porque non hai motivos económicos ou unha baixada da carga de traballo".