#Claves de la semana

A marcha de Negreira abre a renovación do PPdG

A mediados de marzo escollerase a un novo líder dos populares coruñeses, primeiro paso da renovación de equipos comprometida por Feijóo


|


A renuncia de Carlos Negreira como concelleiro e, sobretodo, o seu anuncio de que non optará á reelección como líder dos populares coruñeses, supoñen o primeiro paso da renovación de equipos comprometida por Alberto Núñez Feijóo para os populares galegos. 


A mediados de marzo, previsiblemente o día 12, celebrarase un congreso provincial na Coruña do que sairá o sucesor de Negreira. Xa comezan a soar nomes como o de Diego Calvo, secretario provincial e delegado da Xunta na Coruña, que compareceu xunto a Carlos Negreira na súa despedida. Varios dirixentes populares consideran que esa sería a sustitución "lóxica", falta por ver se xurde algunha voz crítica con forza para presentar unha candidatura. 


Pero o congreso coruñés non será o único, durante o mes de marzo celebraranse congresos provinciais nas outras tres provincias galegas, nas que polo de agora non ten trascendido ningún cambio relevante. As miradas están postas sobre Rafael Louzán, líder dos populares en Pontevedra, que perdeu o goberno da Deputación despois das últimas municipais. 


Pero a cita máis importante dos populares galegos celebrarase en Abril, cando se celebrará o cónclave do partido a nivel autonómico. Alí debería elexirse ao líder dos populares galegos e previsible candidato á Xunta nas vindeiras autonómicas, 

un posto para o que de momento Alberto Núñez Feijóo non ten aclarado se se presentará. 


RENUNCIA DE NEGREIRA


Carlos Negreira renunciou ao liderazgo dos populares coruñeses e ao seu posto de concelleiro na Coruña por 

"coherencia personal", e `porque considera que "dous mandatos son suficientes".


No Partido Popular varios dirixentes dan por feito que adoptou esta decisión despois de perder a alcaldía nas municipais, pero que permeneceu ata agora porque non era o momento de "dar unha sensación de desbandada". 



relacionada Carlos Negreira renuncia como concelleiro e presidente do PP da Coruña
Última hora

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Última hora
Cabeceralomasleido 1
Cabecerarecomendados 1

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal - Política de Cookies - Política de Privacidad - Configuración de cookies - Consejo editorial - Publicidad
Powered by Bigpress
CLABE