Chega a segunda fusión de municipios

|



Galicia levará a cabo a segunda fusión de concellos da súa historia recente. Os municipios pontevedreses de Cerdedo e Cotobade seguirán a estela dos coruñeses Oza e Cesuras, unindo as súas fronteiras e deixando a Galicia cun total de 313 concellos. 


Este martes o presidente da Xunta, Alberto Núñez Feijóo reuniuse cos alcaldes de ambos concellos, os populares Silvestre José Balseiros e Jorge Cubela, para anunciar a continuación a súa fusión. 


Nun primeiro momento, barallouse incluso unha fusión máis amplia, pero finalmente tan só se chegou a un acordo entre estos dous municipios. 


Esta segunda fusión responde á vontade do presidente da Xunta de reducir o mapa municipal, que ten expresado en varias ocasións durante os últimos anos. A Feijóo 315 concellos sempre lle pareceron demasiados, sobretodo cando unha gran parte deles se atopa por debaixo dos 5.000 habitantes. 


Este é o caso de Cercedo e Cotobade, que xuntos conseguirán unha población de algo máis de 6.000 habitantes e unha extensión de 214 quilómetros cadrados. Non haberá sorpresas na denominación deste novo municipio fusionado. Como no caso de Oza-Cesuras, tamén se fusionarán os nomes, alumbrando a Cerdedo-Cotobade. 




"NON HAI CONTRAS"


Ao longo desta mesma semana comezarán os traballos nos concellos que lideran Silvestre José Balseiros e Jorge Cubela, informando do proceso tanto á oposición como aos veciños. 



Sen querer concretar un prazo aínda, o representante de Cerdedo si avanzou que o tempo para recibir alegacións prolongarase o que estimen necesario para que "todo o mundo" poida dar a súa visión. Iso si, indicou que "os proles e contras" xa foron analizados antes de anunciar este paso e "non hai contras".



Máis concreto foi Feijóo, que cifrou en 1,5 millóns de euros por mandato os ingresos extra que obterá o novo concello debido ao aumento da poboación. Este aumento de recursos súmase, dixo, aos aforros derivados da prestación conxunta de servizos e da supresión dunha corporación.



Adicionalmente, apuntou, contará con achegas do fondo de fusións creado pola Xunta e dotado con 2,2 millóns de euros e terá preferencia na concesión de subvencións durante os cinco anos posteriores á unión. "Son consecuencias visibles e positivas para os veciños", sinalou.



"Máis poboación, máis servizos, máis ingresos, menos gastos burocráticos", resumiu o presidente galego, antes de indicar que esta decisión supón para Cerdedo e Cotobade "quedar blindados no mapa".




"DECISIÓNS VALENTES"



Pola súa banda, o alcalde de Cerdedo, Silvestre José Balseiros, xustificou esta decisión "valente" na necesidade de "garantir a prestación de servizos aos veciños". "O futuro é dos valentes, dos que toman decisións e non están sentados esperando a que as cousas empeoren, porque van empeorar", dixo sobre a crise demográfica que azouta particularmente ao rural.



Dito isto, deu por feito que decisións voluntarias como a súa "terán continuidade" noutros puntos do mapa "no futuro", porque "non queda outra" para garantir a "viabilidade a longo prazo" dos pequenos concellos.



Sobre esta idea abundou o primeiro edil de Cotobade, Jorge Cubela, quen puxo en valor que esta "decisión histórica" permitirá ao concello resultante "tomar as súas propias decisións" antes de que llas "impoñan", en referencia a unha eventual obrigación de que os municipios con menos de 5.000 habitantes fusiónense con outros para pasar esa cifra.



E, para finalizar, relacionou a fusión coa necesidade de "ampliar" os servizos que se prestan aos veciños e de facelo "con calidade". "Non por vivir no rural temos que ter menos dereitos que outro concello mediano", reivindicou.



"A BOA POLÍTICA"



Para pechar o acto, o presidente galego celebrou que se trata da segunda fusión municipal en Galicia nesta lexislatura, de modo que a comunidade sitúase como "pioneira" na "racionalización" do mapa local.



"Douvos as grazas como presidente e como político nunha etapa como esta, orfa de grandes xestos como este", proclamou, en alusión a que esta "alianza" é un exemplo da política enfocada a "o que importa á xente" e non centrada en "cadeiras de brazos".



"É un exemplo da política na que creo e que merecen os cidadáns", profundou, tras rexeitar por igual "a vella e a nova política" na súa condición de "pusilánime" ou "sectaria", respectivamente. Fronte a iso, optou por "a boa política", que consiste en "servir aos veciños" e en "antepoñer os intereses xerais da xente aos persoais dos cargos".



E, despois de que o rexedor de Cotobade asumise que esta decisión pode ter "un custo político", Feijóo lembrou que o PP goberna Oza-Cesuras con maioría absoluta, do mesmo xeito que o facía nos dous por separado.


Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress