#Claves de la semana

A patronal eólica non consigue acabar co canon galego

A Xunta confirma que manterá o canon eólico, que non ve como "un obstáculo" senón máis ben como "unha conquista colectiva".


|


A Xunta manterá o canon eólico, ignorando as duras críticas vertidas pola patronal do sector para este sistema, que consideran unha traba que dificulta a instalación de parques. O conselleiro de Economía e Industria, Francisco Conde, replicou confirmando que manterá o canon, que non considera en absoluto como "un obstáculo" senón máis ben como "unha conquista colectiva".


O conselleiro recorda que o canon foi "un dos elementos principais que este Goberno expuxo desde un primeiro momento", co propósito de "ter unha taxa de retorno desde o punto de vista do impacto ambiental que xeran os parques eólicos".



Ademais, chamou a atención sobre o feito de que o canon "está ratificado" e "blindado" non só polo Tribunal Superior de Xustiza de Galicia, "senón polo propio Tribunal Supremo".



"A Xunta vai mantelo dentro do noso sistema", reiterou, antes de reincidir en que se trata de "un elemento que xera un retorno importante para a sociedade".



Con todo, asegurou que a Xunta "seguirá colaborando co sector para que se poidan desenvolver os diferentes proxectos" e reivindicou facer "modificacións importantes dende o punto de vista administrativo e das garantías que teñen que presentar os promotores".



O Executivo autonómico, neste sentido, segundo sinalou Conde, "vai seguir acompañando ao sector en aspectos que entende que pode facer máis competitiva a posición de parques eólicos en Galicia".




Última hora

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Última hora
Cabeceralomasleido 1
Cabecerarecomendados 1

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal - Política de Cookies - Política de Privacidad - Configuración de cookies - Consejo editorial - Publicidad
Powered by Bigpress
CLABE