Galego
Homenaxe musical a Manuel María en Cangas
Mini e Mero, fundadores de “Fuxan os ventos”, e 'A Quenlla' completaron un espectáculo especial en recordo do poeta chairego e en defensa do galego e o ensino público
Baldomero Iglesias, Xosé Luís Rivas e o violinista Sasha no IES María Soliño - Foto: R.F
Mini e Mero, fundadores de “Fuxan os ventos”, estiveron no IES María Soliña de Cangas este venres 15 de abril para rendir homenaxe a Manuel María, a quen este ano se lle dedica o Día das Letras Galegas.
Baixo o nome artístico deste dúo de cantautores chairegos agóchanse Baldomero Iglesias e Xosé Luís Rivas, que chegaron acompañados do violinista ucraíno Sasha, para cantar poemas de Manuel María e Bernardino Graña, entre outros poetas galegos.
Sempre defendendo o galego por encima de todo, preocupados por recuperar o patrimonio inmaterial do noso país e facendo unha continua defensa do ensino público, os integrantes do grupo ‘A Quenlla’, hoxe en día formado por dez músicos, encheron o IES María Soliño de esperanza para o futuro de Galicia.
Foi unha actuación pensada para todo o alumnado e profesorado do centro.
Rapaces do IES María Soliño de Cangas durante a homenaxe a Manuel María (foto R.F)
Escribe tu comentario