O colexio de xornalistas crea a bolsa Nacho Mirás
En recordo do xornalista de La Voz de Galicia que faleceu no pasado mes de outubro
(foto: blogs.lavozdegalicia.es/lahuelladigital)
O Colexio de Xornalistas de Galicia presentará este xoves a bolsa Nacho Mirás, en colaboración coa Universidade de Santiago e con Abanca, en homenaxe ao coñecido xornalista de La Voz de Galicia que faleceu o pasado mes de outubro logo dunha longa loita contra un cancro que relatou paso a paso no seu blog e no libro ‘El mejor peor momento de mi vida’.
A bolsa que levará o nome de Nacho Mirás becará xornalistas recén licenciados que desexen levar a cabo un proxecto xornalístico: reportaxes, blogs, propostas audiovisuais…
Será presentada o vindeiro xoves 19 de maio ás 12:00 na Facultade de Ciencias da Comunicación da USC nun acto no que participará Xosé Ramón Pousa, decano da facultade, Xosé Manuel Pereiro, decano do Colexio Profesional de Xornalistas de Galicia e Isaac González Toribio, Director de Comunicación e Relacións Institucionais de Abanca.
Escribe tu comentario