​Nerviosismo ante a posible venda das plantas galegas de Alcoa

O xigante norteamericano de fabricación de aluminio Alcoa podería estar intentando desprenderse das súas plantas galegas, situadas en Lugo e A Coruña.

Ou polo menos iso é o que se deduce das publicacións de medios especializados como Expansión, que dá por seguro que Alcoa está interesado en vender as súas plantas españolas e que de feito xa contratou ao banco de negocios Goldman Sachs para ser asesorada durante o proceso.

Polo de agora, dende a compañía non soltan prenda. O único que admiten é estar estudando "todas as opcións posibles" e que "de momento non hai ningunha decisión tomada".

Nin confirman nin desminten que a venda das plantas sexa unha das opcións a analizar. Simplemente prometen que "cando se tome unha decisión se comunicará ás partes afectadas".