O gasto medio nos fogares galegos medra por primeira vez dende que comezou a crise

|


Praza abastos


O gasto medio por fogar galego situouse en 26.381,32 euros en 2015, o que significa un incremento do 1,8% con respecto ao ano anterior, segundo a Enquisa de Orzamentos Familiares que publica este luns o Instituto Nacional de Estatística (INE).


Mentres, o gasto medio por persoa en Galicia o pasado exercicio alcanzou os 10.549 euros, cifra inferior en 411 euros á rexistrada pola media (10.960 euros), pero que supón un aumento do 2,7% respecto ao ano anterior.


En canto ao conxunto estatal, o gasto medio por fogar o pasado exercicio foi de 27.420 euros, 382 máis que en 2014, o que supón un aumento anual do 1,4%.


Este incremento do gasto medio por fogar é o primeiro desde 2008. En termos constantes, é dicir, eliminando o efecto dos prezos, o gasto medio por fogar aumentou un 2,2%.


O gasto medio por persoa en termos correntes foi de 10.960 euros en 2015, o que supuxo un aumento do 1,9% respecto ao ano anterior. A variación en termos constantes foi do 2,7%.


Pola súa banda, o gasto total do conxunto dos fogares residentes en España, medido en termos correntes, aumentou un 1,8%. En termos constantes creceu un 2,6%.


POR GRUPOS


O gasto medio por fogar aumentou na maioría dos 12 grupos analizados. É a primeira vez que isto sucede desde o ano 2008, segundo destaca o INE.


Os grupos nos que o gasto medio por fogar creceu de forma máis significativa foron hoteis, cafés e restaurantes, cuxo gasto se incrementou un 9,1% respecto de 2014.


Este comportamento debeuse a que os fogares aumentaron o seu gasto en comidas e bebidas fóra do fogar en 207 euros (un 9,6%). Mobiliario, equipamento e outros gastos da vivenda, que rexistrou unha taxa anual do 5,9% (65 euros máis) debido á subida xeneralizada de todos os seus compoñentes.


Lecer, espectáculos e cultura, cunha variación do 3,9% (60 euros anuais máis), motivada polo aumento do gasto en vacacións todo incluído (do 6,8%) e en artigos e equipamentos recreativos (do 6,0%).

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Cabecerarecomendados 1
Cabeceraultimahora
Cabeceralomasleido 1


Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Condiciones de uso Consejo editorial
Powered by Bigpress