​O Sergas dará cobertura sanitaria aos menores saharauis acollidos no verán

|

SaharauisergasOs 325 menores saharauis que se desprazan a Galicia dentro do programa Vacacións en Paz 2016 terán cobertura sanitaria durante o período vacacional. O conselleiro de Sanidade, Jesús Vázquez Almuiña, entregoulle á presidenta da Asociación Solidariedade Galega co Pobo Saharaui, Maite Isla Avión, os documentos acreditativos que garanten a asistencia. No acto estivo presente, tamén, a secretaria xeral técnica da Consellería de Sanidade, Josefina Monteagudo Romero.


Dende hai varios anos, numerosas familias galegas acollen nos seus fogares a nenos e nenas saharauis procedentes dos campamentos de refuxiados durante o período de vacacións de verán. Este ano, concretamente, a súa estadía comeza o 10 de xullo e remata o 10 de setembro.


No que respecta ás prestacións sanitarias, a colaboración establecida entre o Servizo Galego de Saúde e a Asociación Solidariedade Galega co Pobo Saharaui inclúe a atención primaria, a atención especializada, e as prestacións farmacéuticas.


Na atención primaria, enmárcanse a atención sanitaria nas consultas, servizos e centros de saúde; a indicación ou prescrición e a realización de probas e medios diagnósticos; as actividades programadas en materia sanitaria como a vacinación, exames de saúde e outras medidas de prevención, promoción e rehabilitación; e, ademais, programas de atención á infancia e a urxencias.


Doutra banda, en canto á atención especializada, inclúese a asistencia ambulatoria especializada en consultas, que pode abarcar os procedementos cirúrxicos menores; a asistencia ambulatoria especializada no hospital de día, que abrangue a asistencia médica, a cirúrxica, a obstétrica e a pediátrica para procesos agudos, a reagudización de procesos crónicos ou a realización de tratamentos de procedementos diagnósticos que así o aconsellen; ademais da asistencia especializada en réxime de hospitalización.


Respecto da prestación farmacéutica, a colaboración establecida abrangue a dispensación prestada en réxime de internamento e a prescrita en réxime extrahospitalario.

relacionada Centenares de personas denuncian en Galicia la "intolerable situación" que viven los refugiados

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Condiciones de uso Consejo editorial
Powered by Bigpress