Evacúan cinco bombeiros forestais feridos nun incendio en Ribas de Sil

|

Incendiobatelume

Cinco bombeiros forestais resultaron feridos nun incendio forestal en Ribas de Sil (Lugo), un deles grave e os outros catro leves, mentres traballaban no control dun lume na parroquia de San Clodio.


Segundo informa a Xunta, os traballadores víronse afectados por "un cambio de dirección no vento", que provocou "unha variación brusca do sentido das chamas".


En concreto, un condutor de motobomba é o que está ferido grave por queimaduras, o cal foi trasladado de urxencia ao hospital da Coruña.


O resto de feridos son un técnico e un axente que sufriron queimaduras, outro condutor de motobomba que presenta contusións tras envorcar o vehículo que conducía e un peón que sufriu un golpe de calor. Todos eles foron trasladados a hospitais de Monforte e A Coruña.


O incendio comezou ás 15,43 horas deste luns e quedou controlado sobre as 20 horas. Segundo as primeiras estimacións a superficie afectada son 18 hectáreas de monte arborado. No lugar traballan cinco helicópteros, dous avións, catro motobombas, dez brigadas, dous técnicos, catro axentes e unha pa.

relacionada ​Controlado un fuego en Lalín tras quemar 21 hectáreas
relacionada A Xunta dá por controlado un lume forestal en Lobios

1 Comentarios

1

Os deseo una rapida mejoria. A esas personas que prenden fuego que pienses cuanto vale UNA VIDA.

escrito por santi 19/jul/16    21:23

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress