Os socorristas salvan a dúas persoas na Lanzada e Riazor
Ambas foron evacuadas ao hospital, consciente no segundo caso e inconsciente no primeiro, pero que mantiña as constantes vitais.
Praia da Lanzada. //Foto: turismo.gal
Os socorristas da praia da Lanzada, en Pontevedra, sacaron este venres da auga a unha persoa inconsciente, segundo informa o 112, que apunta que foi evacuada de urxencia.
Ocorreu uns minutos antes das 19,00 horas, na parte o areal que linda co vello sanatorio. A persoa perdeu o coñecemento pero mantiña activas as constantes vitais, segundo indicaron os membros do servizo de vixilancia. O 112 deu aviso aos profesionais de Urxencias Médicas, que, pouco despois, confirmaron que a persoa foi trasladada ao Hospital Montecelo de Pontevedra.
RESCATE EN RIAZOR
Tamén na tarde deste venres, na praia de Riazor, na Coruña, os socorristas rescataron a unha persoa de avanzada idade que sufría convulsións. Sucedeu sobre as 13,00 horas na zona das Escravas e finalmente, a persoa foi trasladada consciente por Urxencias Médicas.
Escribe tu comentario