Galego
Un mozo sofre unha lesión medular por se tirar de cabeza ao río en Mondariz
Tivo que ser rescatado polos bombeiros, ao se atopar nunha zona de monte de difícil acceso.
Un mozo foi rescatado este domingo en Mondariz ferido tras tirarse de cabeza ao río, polo que sufriu unha lesión medular, segundo informa o 112.
Os feitos producíronse nunha zona de monte de difícil acceso no lugar de Foxaco. Os efectivos sanitarios despregados solicitaron a colaboración do 112 para rescatar ao home.
O 112 informou os bombeiros de Ponteareas e aos do Baixo Miño, que enviaron dotacións ao momento. Os feitos tamén foron postos en coñecemento da Garda Civil. Foron os bombeiros os que lograron rescatar por terra ao ferido, que foi trasladado nunha ambulancia a un centro sanitario, segundo apuntan as mesmas fontes.
Un bañista rescatado y otra fallecida en un río de A Pobra
Escribe tu comentario