​A precariedade e inestabilidade fan mella no sector da ilustración

"Somos un traballador máis, aínda que ás veces nos consideren como artistas bohemios", subliña o presidente da Asociación Galega de Profesionais da Ilustración (Agpi), Sergio Covelo ao fío deste clixé tan común. 

A asociación denuncia asimesmo o "intrusismo" neste sector, mentres reclama unha relación "máis fluída" coas editoriais. Afirman que "a precariedade" que viven moitos profesionais da ilustración lévalles a ter que "reinventarse", como por exemplo dedicándose "ao ensino ou ao deseño gráfico" xa que que moitos "entran e saen da profesión" debido á falta dunha continuidade no seu traballo.

A esto cómpre sumar as dificultades que ten a súa condición de "autónomos". "En España, o labor creativo non se apoia suficientemente", afirma o presidente de Agpi.

Con todo, tamén fai autocrítica e remarca que os propios profesionais teñen que empezar "a valorar a súa profesión". "Cando un empeza, hai xente que traballa gratis e con iso estase convidando a que non se nos valore", apunta.

"EDUCAR" AOS CLIENTES

Por todo iso, considera necesario "educar" aos clientes. "Concienciar de que están a pagar un servizo", recalca Sergio Covelo sobre o seu traballo. Ao fío diso, lamenta que, en ocasións, o ilustrador pareza "a última peza da cadea".

Con todo, remarca as oportunidades que Internet ofrece aos autores. "Non é necesario saír de Galicia", remarca Covelo. Mentres, subliña a presenza feminina no sector e a "canteira" de autores que, ao seu xuízo, existe na comunidade autónoma galega.

Aínda así, admite que aínda faltan moitas cousas como "mellorar a industria" neste sector ou "un maior diálogo entre os diferentes axentes", insiste.