Transportistas culpan do prezo do diésel aos maioristas

|

Gasolinera 1


A Federación Empresarial de Transportes de Mercadorías por Estrada de Galicia (Fetram) e a Federación Galega de Transportes (Fegatrans) culparon aos maioristas de que o prezo do diésel en Galicia sexa máis caro que noutras comunidades e replican á Xunta que as súas consideracións sobre que abrir máis gasolineiras baixará o seu custo son erróneas.


A través dun comunicado, afirmaron que a Xunta e a Comisión Nacional de Mercados e Competencia (CNMC) están equivocadas ao achacar os prezos do combustible na comunidade á "falta de competencia", razón pola que ambas as institucións propuxeron fomentar a apertura de gasolineiras, entre elas as polémicas gasolineiras pantasma. 


En opinión das federacións, o sector maiorista é o que marca o prezo dos hidrocarburos na comunidade, que conta cunha refinería que "exerce un dominio absoluto do mercado" e "condiciona" así o importe.


GASOLINEIRAS 'DESATENDIDAS'


En paralelo, centrados nas gasolineiras de autoservizo, os transportistas advertiron dos "riscos" para os consumidores á hora de manipular as mangueiras, dos "impedimentos" que implican para as persoas con discapacidade, da "imposibilidade" de levar a cabo inspecciones non rutineiras e da "vulneración de dereitos dos usuarios".


Ademais, expuxeron á Xunta que, se o obxectivo é reducir o prezo do gasóleo, suprima o imposto autonómico sobre os hidrocarburos, que se sitúa no "máximo legal", o que, na súa opinión, é "negativo" para o sector do transporte e para a "competitividade" da economía galega.






relacionada ​A CNMC rompe unha lanza a favor das 'gasolineiras pantasma'

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress