Buscan un mozo de 33 anos desaparecido na Coruña

A Garda Civil busca a un mozo de 33 anos, Roberto Carlos F.P., que desapareceu o pasado xoves, día 1 de setembro, da Coruña, segundo difundiu o instituto armado a través da rede social Twitter.

En concreto, o mozo mide 1,82 metros de estatura e pesa 110 quilos, usa lentes graduadas e ten o pelo liso e castiñeiro. Ademais, a Garda Civil indica que necesita medicación.

Na imaxe difundida a través das redes sociais o instituto armado tamén alerta de que puido viaxar cara a León.

Ademais, de Roberto Carlos F.P. continúan desaparecidos en Galicia Iván Durán Valverde, o mozo de 30 anos que falta de Baiona (Pontevedra) desde o pasado día 25; así como Diana Quer, a moza de 19 anos desaparecida o 22 de agosto na Pobra do Caramiñal (A Coruña).