Os incendios forestais resístense a abandonar Galicia

|

Brigadistasincendio


Un incendio rexistrado no municipio de Ames, parroquia homónima, permanece activo das 17,52 horas deste domingo e, polo momento, descoñécese a cifra de superficie afectada.


Segundo precisou a Consellería do Medio Rural, nos labores de extinción das chamas traballan dous axentes, cinco brigadas, dúas motobombas e un helicóptero.


Este incendio súmase aos rexistrados este domingo nos municipio de Padrenda (Ourense) e Chantada (Lugo), que afectan a unhas 25 e 20 hectáreas, respectivamente.


OUTROS LUMES


A Consellería do Medio Rural informou de que o incendio forestal de Padrenda foi controlado ás 16,08 e afecta a unha superficie dunhas 35 hectáreas. Ademais, permanece activo outro lume na parroquia de Requeixo, en Chantada (Lugo), de máis de 20 hectáreas.


En concreto, o incendio de Padrenda iniciouse ás 00,42 horas desta madrugada quedou controlado ás 16,08 horas deste domingo. Segundo as estimacións provisionais, a superficie afectada é de 35 hectáreas e, no lugar traballan un axente, dez brigadas, tres motobombas e tres helicópteros.


Así mesmo, ás 15,04 horas deste domingo rexistrouse outro incendio forestal na parroquia de Requeixo, no municipio lucense de Chantada que, segundo as primeiras estimacións, afecta a máis de 20 hectáreas.


Na súa extinción traballan dous axentes, un técnico, 18 brigadas, seis motobombas, dúas pas, dous helicópteros e tres avións.


ACTUALIZACIÓN: Durante a madrugada do luns quedou controlado o incendio de Chantada, cunhas 100 hectáreas queimadas. O lume forestal de Padrenda está extinguido desde pouco despois da medianoite, deixando 37 hectáreas calcinadas.

relacionada ​Activo un incendio forestal en Padrenda
relacionada ​10 millones para paliar los daños de los incendios forestales

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress